Ақтөбе облыстық филармониясы 1944 жылы құрылған. 1998 жылы оған қазақ музыка өнерінің көрнекті қайраткері, КСРО халық артисі, композитор Ғазиза Жұбанованың аты берілді. Ғ.Жұбанова атындағы облыстық филармонияның жаңа стандартқа сай, мәдени шараларды жоғары деңгейде өткізуге және оны дайындауға мүмкіндігі мол, әрбір ұжымның даярлық жасауға арналған кең де,  жарық кластары бар. Ұжымдар музыкалық аспаптармен және киімдермен қамтамасыз етілген. 74 жылдық тарихы бар бірегей өнер ордасының ұжымы мен жекелей солистері көптеген халықаралық және республикалық байқаулар мен фестивальдердің лауреаттары атанған. Жыл сайын облыстық филармонияда көптеген дәстүрлі фестиваль-конкурстар Республикалық және Халықаралық деңгейде өткізіледі, атап айтатын болсақ, «Жұбановтар көктемі» және «Классика» атты дәстүрлі халық аспаптар оркестрлерінің және хор музыкасы, джаз музыкасы, жас вокалистер мен жас таланттар фестивальдары өткізіліп тұрады.