Ансамбль 2008 жылы құрылған. Ансамбльдің алғашқы көркемдік жетекшісі болып Н.Тілендиев атындағы халықаралық  дирижерлер  байқауының лауреаты  Елубай Кенжалиев тағайындалды.

Ансамблдің қазіргі көркемдік жетекшісі: Серік Закария.

Ансамбльдің жетістіктері:

2009 жылы – Астана, халықаралық «Шабыт» фестивалінің лауреаты;

2010 жылы – Ақтөбе, халықаралық «Жұбанов көктемі – 2010» фестивалінің лауреаты;

2011 жылы – Польша, Колобжек қаласы, дәстүрлі халықаралық «Интерфолк» фестивалінің лауреаты;

2013 жылы – РФ, Магнитогорск қаласы, «Европа – Азия» ІV халықаралық конкурс– фестивалінің І-ші  дәрежелі лауреаты;

2013 жылы – Ақтөбе, халықаралық «Жұбанов көктемі – 2013» фестивалінің Гран–при иегері;

2014 жылы – Түркия, Амасия, «Turk Vision» халықаралық фестивалінің қатысушысы.

 Сондай-ақ, «Арайлы Ақтөбе» ансамблі — Алматы қаласында өткен  Қазақ хандығының 550 жылдығына арналған  халықаралық «Ғасырлар сазы» фольклорлық ансамбльдер фестивалінің лауреаты. 

Ансамбль Қазақстан Республикасы Тәуелсіздігінің 25 жылдығына  «Ұлы дала әуендері» атты жеке концерттерін өткізді, облыс және қала көлемінде өтіп жатқан мәдени іс-шаралардың тұрақты қатысушысы. Ансамбль репертуарында шетел және халық композиторларының шығармаларымен қатар жергілікті сазгерлердің туындылары бар.

 

---

 

ҚР Тұңғыш Президенті Н.Ә.Назарбаевтың «Болашаққа бағдар: рухани жаңғыру» бағдарламасының жалғасы «Ұлы даланың жеті қыры» мақаласын кеңінен насихаттау мақсатында 16 ақпан күні сағат 16:00 – де «Өнер орталығы» концерт залында ұлттық өнерімізді дәріптеп жүрген «Достық сазы» және «Арайлы Ақтөбе» фольклорлық ансамбльдерінің қатысуымен, елді елең еткізген ерекше жоба  «Ұлы дала жүйрігі» атты айтыс - концерт өтті.

«Достық сазы» ансамблінің жетекшісі «Құрмет» орденінің иегері, Мәдениет саласының үздігі Бақытбек Зейнелов және «Арайлы Ақтөбе» ансамблінің жетекшісі Серік Закария. Концерттік бағдарлама барысында екі ансамбль  шетел шығармаларын және  қәзіргі хит әуендерді жарыса орындады. Күйшілер шеруінде домбыраның құлағында ойнайтын, республикамыздың дүлдүл домбырашылары Таңат Сәденов пен Жәнібек Жәмиев, ақындар айтысында атағы алысқа кеткен атыраулық ақын Шалқарбай Ізбасаров пен Ақтөбенің айтулы ақыны Марат Ахметов шығып халықты дүр сілкінтті. Филармонияның дәстүрлі әншілері «Біздің ауыл тамаша», «Елге сапар», «Ауылым» әндерін көрермендермен қосыла шырқады. Мұндай ерекше айтыс-концертке халықтың ырза болғандығы олардың ерекше қошеметінен байқалып тұрды. Кеш соңында филармония директоры Е.М.Кенжалиев ұлтымыздың ұлық өнерін ту қылып көтерген өнерпаздарға алғысын білдіріп, шығармашылық табыс тіледі.

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

 

---

 16 желтоқсан Татарстан Республикасындағы қазақ елінің елшілігінің арнайы шақыртуымен Казань қаласында  «Kazan Palace by Tasigo» қонақ үйінде  ҚР тәуелсіздік күніне арналған салтанатты кездесуге «Арайлы Ақтөбе»  фольклорлық ансамблі және дәстүрлі әншілер Е.Жұмағұлов, Ә.Күзенбаев өз өнерлерін көрсетті.

• 
• 
• 
• 
• 
• 
• 
• 
• 
• 
• 
• 
•  

---

16 желтоқсан Татарстан Республикасындағы қазақ елінің елшілігінің арнайы шақыртуымен Казань қаласында  «Kazan Palace by Tasigo» қонақ үйінде  ҚР тәуелсіздік күніне арналған салтанатты кездесуге «Арайлы Ақтөбе»  фольклорлық ансамблі және дәстүрлі әншілер Е.Жұмағұлов, Ә.Күзенбаев өз өнерлерін көрсетті.

 

 

 

---

Бүгін, сағат 18.30 да Ғ.Жұбанова атындағы облыстық филармонияның 75-ші концерттік маусымының ашылуына орай халықаралық конкурстардың лауреаты "Арайлы Ақтөбе" фольклорлық ансамблінің "АРНАУ" атты МАУСЫМАШАР концерті өтті.

 

Кешке ҚР еңбек сіңірген қайраткері, «Құрмет» орденінің иегері Айгүл Қосанова  қатысып, тамаша әндер айтып, Ақтөбелік көрерменді баурап алды.

Нұртас Омаров, Әділет Күзембаев, Мәншүк Мұқанова сынды әншілер қатысты .

Ансамбльдің көркемдік жетекшісі Серік Закарияның шығармашылық ұжымның репертуарына ерекше мән беріп, үнемі ізденіс үстінде екендігін көрсетті. Көрермен "Арайлы Ақтөбе" фольклорлық ансамблінің әрбір концертін асыға күтетінін айтып, ризашылығын білдірді.

 

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•