«Екі езу» эстрадалық миниатюра театры 1998 жылы, 22 наурызда облыстық «Ақтөбе» газетінің жанынан күлкі клубы ретінде құрылды. Газет тілшісі -Нұрлыбек Жұбатқанның бастауымен театр құрамына қаладағы талантты жастар тартылды. Театр репертуарына Н. Жұбатқанның жазған әзіл-сықақ қойылымдары орындалды.

 

 Бастапқы мүшелері: Тамашаның тарланы Бақыт Айтова, Нұрдәулет Ақжігітов,  Берік Нұрмағанбетов, Талғат Тілеулесов, Гүлсім Қаратаева болды. Жас ұжымның негізгі мақсаты, ?аза?тың әзіл-қалжыњын халыққа кеңінен насихаттау және ауылдық жерлерге мәдени қызмет көрсету еді.

 

«Екі езу» Ақтөбе облысының мәдени өміріне елеулі еңбек сіңіріп, халыққа, Республика көлеміне кеңінен таныла бастағанын ескеріп,  2001 жылы 2 сәуірде Облыс әкімінің шешімімен  театр мемлекеттің құзырына өтті.

 

Театр  Маңғыстау, Атырау, Батыс Қазақстан, Қызылорда, Оңтүстік Қазақстан облыстарында және Тараз, Талдықорған, Алматы, Астана қалаларында гостролдік сапарларда болып қайтты. Үш рет Астанада Ел басымыз қатысқан мемлекеттік- мерекелік концерттерге қатысты.

 

Алматы қаласындаѓы  «Гүлдер» ансамбіліне және «Тамаша», «Күлкі керуені», «Көпен келе жатыр», «Құдайберген – театр» атты «әзіл-сықақ театрларына шақыру алды.

 

«Екі езу» театры 2001 жылы түңғыш рет Республикалық көлемде, Алматы қаласында ұйымдастырылған әзіл-сықақ сайысында жүлделі орынды иеленсе, сол жылы Астана қаласында өткен Халықаралық «Шабыт» шығармашыл жастар фестивалінде «Бас Жүлдені» жеңіп алды. 2012-2014 жылдары «Хабар» арнасы ұйымдастырған «ДУ-ДУМАН» телевизиялық шоуға қатысты. 2013 жылы Ұлттық Арнаның ұйымыдастыруымен өткен «ЖҰЛДЫЗДЫ СӘТ» сайысында жеңіске жетті.

 

Театрдың директоры, әрі авторы, Нұрлыбек Жұбатқанға 2003 жылдың «Жыл адамы» атағы берілді. ҚР Мәдениет қайраткері, Ақтөбе облысында театр саласына қосқан елеулі еңбектері үшін Мәдениет министрлігінің Құрмет Грамотасымен марапатталды. Ол - Қазақстан Журналистер Одағының мүшесі, Республикалы? сатиралық «Ара» журналының Ақтөбе облысындағы меншікті тілшісі болып қызмет атқарды. Оның жазған шығармалары республикалық сахналарда орындалып жүр.

 

Театрдың қазіргі шығармашылық мүшелері: Гүлсім Қаратаева, Құралбек Құрманғалиев, Берік Нұрмағанбетов, Дәурен Айдаров, Бекбол Тәтебаев, Гүлзат Аймағанбетова, Таңшолпан Зейнуллина, Қырғыз әртісі Абды Кадырматов, Айбек Қазбаев, Азамат Сариев және Әмірхан Қоңыратбаев пен Арай Лұхпанова.

 

 

• 
• 
• 
• 
• 
• 
• 
• 
• 
• 
• 
• 
• 
• 
•  

---

Елбасымыз Н.Ә.Назарбаевтың «Ұлы даланың жеті қыры» мақаласы аясында, Ақтөбе қаласының 150 жылдығына орай, Ақтөбе облысы бойынша «150 концерт» бастамасымен 13 ақпан күні Ғ. Жұбанова атындағы облыстық филармониясының «Екі Езу» сатира театры (көркемдік жетекшісі Нұрлыбек Жұбатқан) Алға ауданы, Үшқұдық ауыл тұрғындарына концерттік бағдарламасынмен барды. Қойылымдар мен интермедияны тамашалаған көрермен дəн риза болды. Концерт аяқталғанда ауыл халқы əртістермен суретке түсіп ыстық ықыластарын білдірді.Село əкімі Берік Ақдəулетов пен мəдениет үйінің меңгерушісі Гүлназия Масжанова сахнаға шығып өнер ұжымына алғыс айтты. Алға ауданындағы гостролдік сапарымыз əрі қарай жалғасады.

• 
• 
• 
• 
•