Қазақ  ұлт  аспаптары  оркестрі  2003 жылы, қараша айында облыс әкімшілігінің қолдауымен, облыстық мәслихаттың  шешімімен   құрылды. Оркестр құрамында алғашында  52 адам болды. Оркестрдің негізін қалаушы, алғашқы көркемдік  жетекшісі және бас дирижері Қазақстанның еңбегі сіңген мәдениет қызметкері, композитор, Құрманғазы атындағы Қазақ Ұлттық Консерваториясының құрметті профессоры Қайырғали Үсенғалиұлы Қожанбаев .     2006 жылы ЮНЕСКО көлемінде Ахмет Қуанұлы Жұбановтың  100 жылдық мерейтойы кезінде қазақ ұлт аспаптар  оркестріне қазақ кәсіби музыкасының негізін қалаушы, академик, композитор Ахмет Қуанұлы Жұбановтың аты берілді. Қазіргі таңда  оркестрдің көркемдік жетекшісі және дирижеры ҚР еңбек сіңірген қайраткері Дәурен Ғылымов, бас дирижеры Халықаралық және Республикалық конкурстардың лауреаты, ҚР мәдениет саласының үздігі Мадина Қабижанова. А.Жұбанов атындағы қазақ ұлт аспаптары оркестрі республикамыздың барлық облыстарын концерттік бағдарламамен аралап, көрермен қошеметіне ие болып жүрген ұжым. Облысымыздың аудандары мен елді мекендеріне барып өнер көрсетіп жүр.   Оркестр көптеген республикалық, халықаралық фестиваль –конкурстарға  қатысып, жүлделі орындарға ие болды.

А.Жұбановтың 100 жылдық мерейтойына арналған фестивалінде оркестрлер арасындағы конкурста   І орынға ие болды (2006ж)

 

І Халықаралық «Европа-Азия-2007» халық аспаптар оркестрлері мен ансамбльдер  фестивалінің  Гран-При иегері  (РФ, Магнитогорск қ.)

 

Халықаралық «Жұбанов көктемі-2008» халық аспаптары оркестрлері фестивалінің лауреаты.

 

Халықаралық «Евразия-2008» дәстүрлі әлем аспаптарында орындаушылар байқауының құрметті қонағы (РФ, Екатеринбор қ.).

 

ҚР және РФ- ның елшіліктері ұйымдастырған «Наурыз мейрамы» атты гала концертте өнер көрсетті. (Халықаралық Музыка үйінің камералық залы. Москва қаласы.)

 

Халықаралық  «Дала  сазы»  түркі тілдес халықтардың халық аспаптары оркестрлері мен ансамбльдері фестивалі.  (ҚР  Қарағанды қ. 2010ж.)

 

Уфа қаласында өткен Халықаралық «Зов Урала» атты оркестрлер конкурсында І орынды иеленді (2012ж)

 

Астананың мерейтойына арналған үлкен концертте Құрманғазы атындағы, «Отырар сазы» және Тәттімбет атындағы т.б. оркестрлер қатысқан құрама оркестрлердің құрамында өнер көрсетті. (2011ж)

 

Атырау қаласында өткен ұлы күйші Құрманғазының 190 жылдық мерейтойына арналған «Гиннес рекордтар кітабына» енген 1000 адамдық оркестрдің құрамында ойнады. Осы 1000 адамдық оркестрге дирижерлік жасаған жеті дирижердің қатарында, академик А.Жұбановтың шәкірті, біздің ұстазымыз Қ.Қожанбаевта  болды.

 

Роман-Сюр-Изер қаласында өткен Халықаралық  фольклорлық өнер фестиваліне  қатысты.  (Франция мемлекеті. Роман-Сюр-Изер қ.  2016ж.)

 

Оркестр репертуарында  халық  күйлері мен  қазақ және шетел композиторларының шығармалары бар

 

  

---

Ғ.Жұбанова атындағы Ақтөбе облыстық филармониясының А.Жұбанов атындағы қазақ халық аспаптар оркестрінің дирижеры Есенжан Мұстафин Қазақстанның халық әртісі, профессор, «Парасат» орденінің иегері, дәулескер күйші, белгілі дирижер Рыспай Хисметұлы Ғабдиев атындағы ІІ Республикалық дирижерлар конкурсында үздік орындаушылық шеберлігі үшін 2 орынмен марапатталды.

Тындырымды ісімен, қарапайым да парасатты мінезімен абырой - беделге ие болған ұжымымыздың тәжірибелі, үздік маманына әрдайым еңбегі жанып, жаңа жетістік шыңдарына көтеріле беруін тілейміз.

 

 

 

---

30 қаңтар сағат 16:00 – де Ғ.Жұбанова атындағы облыстық филармония концерт залына лық толы жиналған қала тұрғындарына керемет көңіл күй сыйлады.

 

ҚР еңбек сіңірген қайраткері Дәурен Ғылымов жетекшілік ететін А.Жұбанов атындағы қазақ ұлт аспаптар оркестрі шетелдік кино әуендері мен қатар Кеңестік заманғы және қазақфильмдегі әндерді әуелете отырды. Филармония директоры Елубай Кенжалиев пен оркестрдің бас дирижеры ҚР мәдениет саласының үздігі Мәдина Қабижанова сахнада кезектесіп оркестрді мың құбылта білді. Сондай-ақ, саундтрек концертінде филармония солистері ҚР мәдениет саласының үздігі Жұлдыз Нұрқасымова, Манзура Сапарова, Шәригүл Өтегенова, Аида Уразова, Мират Есетов ән салып, көрерменнің ыстық ықыласы мен қошеметіне бөленді.

• 
• 
• 
• 
• 
• 
• 
• 
• 
• 
• 
• 
• 
• 
• 
•  

---

27 қаңтар сағат 16:00 – де Ғ.Жұбанова атындағы облыстық филармонияның «Ашық есік күні» акциясы аясында А.Жұбанов атындағы қазақ халық аспаптар оркестрінің «Гори гори моя звезда» романс кеші «Өнер орталығы» концерт залында жоғары деңгейде өтті.

 

Оркестрдің көркемдік жетекшісі ҚР еңбек сіңірген қайраткері Д.Ғылымов, оркестрдің бас дирижері ҚР мәдениет саласының үздігі М.Қабижанова. Концерттік бағдарламада оркестрдің сүйемелдеуімен А.Құнанбаевтың «Көзімнің қарасы», Л.Хамидидің «Бұлбұл», Т.Базарбаевтың «Қаздар қайтқанда» әндері,орыс халқының «Волга реченька»,«Очи черные», «Зачем тебя я, милый мой, узнала», «Гори, гори моя звезда»,«Надежда» және т.б. әндерін филармония әншілері шырқап, көрермендер қосыла шырқады. Концерт жоғары деңгейде өткізіліп, көрермендер толық жиналды.

 

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

 

 

---

МАУСЫМАШАР   БАСТАЛДЫ! 

 

5 қазан  сағат 16.00де "Өнер орталығы" концерт залында ҚР тұңғыш Президенті Н.Ә.Назарбаевтың "Болашаққа бағдар: рухани жаңғыру" бағдарламасының жалғасы «Ұлы даланың жеті қыры» мақаласын кеңінен насихаттау мақсатында Ғ.Жұбанова атындағы Ақтөбе облыстық филармониясының 75-ші мерейлі маусымының ашылуына орай, А.Жұбанов атындағы қазақ халық аспаптары оркестрі «АЯУЛЫ МЕКЕНІМ» атты МАУСЫМАШАР концертін өткізді.

(Оркестрдің көркемдік жетекшісі ҚР еңбек сіңірген қайраткері Дәурен Ғылымов. Оркестрдің бас дирижері ҚР мәдениет саласының үздігі Мадина Қабижанова).

Кеш барысында Джакомо Пучинидің  «Ария мадам Баттерфляй» операсынан «Чио чио сан» монологын, Франц Легардың  "Джудиты ариясын» арнайы шақырылған құрметті қонағымыз Абай атындағы мемлекеттік Опера Балет театрының әншісі,  ҚР Еңбек сіңірген қайраткері Гүлзат Дәуірбаева оркестр сүйемелімен жеке дауыста орындады.  Ал,  ҚР Мәдениет саласының үздігі Кенжегул Мусаева Б.Бартоктың  «Румынский народный танец» шығармасын жеке қобызда,   Е.Үсеновтің  «Алтын Алтай» әнін жеке дауыста ҚР еңбек сіңірген қайраткері Светлана Айтбаева,  К.Әзірбаевтың «Көк шолағын»  «Жібек жолы»  республикалық байқауының Гран При иегері Нұртас Омаров пен қазақ камералық хоры (жетекшісі М.Құспанов) орындап көрермендердің ыстық ықыласына бөленді. Жайлау Асылханов тартқан Қазанғап күйлері мен филармонияның жаңа буын домбырашыларының "күй сайысы" көрерменге керемет көңіл-күй сыйлады. Концерт Өркен Сағиевтің орындауындағы К.Күмісбековтің "Аяулы менің мекенім" атты сазды әнімен аяқталғанда, жиналған жұрт өнерпаздарға ұзақ қошемет жасады.

 Маусымашар концертімізге келген құрметті қонақтарымызға, филармония ұжымына Ақтөбе облыстық мәдениет, архивтер және құжаттама басқармасының басшысы Н.Кенжебаев  "Алғыс хат" пен гүл шоқтарын табыстады.

 Кешті ҚР Мәдениет саласының үздігі Орал-Қосай Байсеңгір жүргізді. Филармония басшысы Е.Кенжалиевтің кәсіби өнер ұжымының шығармашылығына ерекше көңіл бөлгендігіне концерттің өте жоғары дәрежеде өтуі- айқын дәлел. Концерт  "Ақтөбе телеарнасына" жазылып,  телекөрермендерге де жол тартатын болады. Өнер орталығында өтетін  филармония  ұжымдарының маусымашар бағдарламаларына Ақтөбе тұрғындарының ерекше  ықылас аударып,  көрермен қатарын күн санап толықтырып отырғандығы қуанарлық жағдай.  Ендеше,  біздің  "маусымашар" концерттерімізден қалмаңыздар,  келіңіздер!  Біз сіздермен біргеміз,  патша көңіл көрермен!

 

• 
• 
• 
• 
• 
• 
• 
• 
• 
• 
• 
• 
•  

.

 

---

ҚҰРМЕТТІ АҚТӨБЕЛІКТЕР ЖӘНЕ ҚАЛА ҚОНАҚТАРЫ!

 

Сіздерді 5 қазан күні, сағат 16.00де "Өнер орталығы" концерт залында Ғ.Жұбанова атындағы облыстық филармониясының 75-ші концерттік маусымының ашылуына орай өтетін А.Жұбанов атындағы қазақ халық аспаптары оркестрінің «АЯУЛЫ МЕКЕНІМ» атты МАУСЫМАШАР концертіне шақырамыз!

Кеш қонақтары: ҚР еңбек сіңірген қайраткері, әнші Гүлзат Дәуірбаева (Алматы қ.), ҚР мәдениет саласының үздігі Кенжегүл Мұсаева(Нұр-сұлтан қ.). Кешке қатысатындар: ҚР еңбек сіңірген қайраткерлері Жайлау Асылханов, Светлана Айтбаева және Ақтөбелік өнер жұлдыздары.

Оркестрдің көркемдік жетекшісі ҚР еңбек сіңірген қайраткері Дәурен Ғылымов. Оркестрдің бас дирижері ҚР мәдениет саласының үздігі Мадина Қабижанова.

Ұлттық өнер ән мен күйді , Еуропаның үздік классикалық шығармаларын тыңдауға құмар болсаңыз, концертке асығыңыз! Кеш жүргізушісі: ҚР Мәдениет саласының үздігі Орал-Қосай Байсеңгір.
Келіңіздер! Көріңіздер!
Бағасы:1000₸ 700₸
Билеттер Өнер орталығы кассасында, Тикетон сайтында онлайн сатылады! https://m.ticketon.kz/
Байлыныс : 8 702 259 63 00.     8 771 858 48 43
Касса: 906-458

• 
• 
• 
• 
• 
• 
• 
• 
• 
• 
• 
• 
• 
• 
• 
•