Алғаш кәсіби Қазақ камералық хоры 1991 жылы қазақ хор музыкасын дәріптеу, насихаттау мақсатында құрылды. Алғашқы көркемдік жетекшісі және дирижеры Тұрым Сағидоллаұлы Алагөзов. Хор ұжымының репертуары  хорға лайықталған қазақ әндерімен, халық композиторларының  шығармаларымен,  орыс және шет ел композиторларының шығармаларымен  қамтылған.

2000 жылы Облыс әкімінің камералық хоры болып аталды. Қайта жаңғырған хор ұжымында  ҚР еңбек сіңірген қайраткерлері Светлана Айтбаева, Марат Айтимов, Мирас-Құралай Бекжановтар, Жұлдыз Нұрқасымова т.б. болды.

Қазақ камералық хорының әр жылдағы көркемдік жетекшілері:

1991-1995 жж Алагөзов Тұрым Сағидоллаұлы

1995-1998 жж Новицкая Татьяна Николаевна

2000-2005 жж Конурбасова Несібелі Байназарқызы

2005-2010 жж Алагөзов Тұрым Сағидоллаұлы

2010-2013 жж Имухамбетова Айнұр Мерекеқызы

2013-2015 жж Умбеталина Ляззат Шангерейқызы

2015 ж Құспанов Мербол Оразбекұлы

 

Қазақ камералық хорының жетістіктері:

  • 2001 жыл «Құрмет грамотасы» Халықаралық хор музыкасының фестивалі Павлодар қаласы
  • 2007 жыл Халықаралық «Жұбанов көктемі» хор музыкасының фестивалі І дәрежелі лауреат атағы Ақтөбе қаласы
  • 2008 жыл ІІ республикалық «Ән қанатында» фестивалі ІІ дәрежелі лауреат атағы Астана қаласы
  • 2015 жыл «Jazz Bomond»Халықаралық джаз музыка фестивалі Алтын диплом иегері Қостанай қаласы
  • 2016 жыл Халықаралық «Поющий мир» хор музыкасының фестивалі. Ю.Фалик атындағы хор музыкасының конкурсының І дәрежелі лауреат атағы, «Үздік солист» атағы Серік Жұбатқан РФ, Санкт-Петербург қаласы
  • 2018 жыл Халықаралық «Поющий мир» хор музыкасының фестивалі. Ю.Фалик атындағы хор музыкасының конкурсының І және ІІ дәрежелі лауреат атағы РФ, Санкт-Петербург қаласы.
  • «Жұбановтар әуені – 2018» Халықаралық хор музыкасы фестивалі ГРАН ПРИ атағы. Ақтөбе қаласы.
  • 2019 жыл Халықаралық «Южная Пальмира» хор және вокал музыкасының байқау-фестивалі ГРАН ПРИ атағы Украина, Одесса қаласы
  • 2019 жыл Халықаралық «Друзья в Москве» фестиваль байқауының ГРАН ПРИ атағы РФ, Москва қаласы.
  • 2020 жылы Қазақ камералық хор ұжымы Ресейдің мәдени астанасы Санкт – Петербург қаласында өткізілген Халықаралық «Осенние грезы» онлайн байқауында Бас жүлдені иеленді.

.


 СҮЙІКТІ ҚАЛАМ, АҚТӨБЕ!

 

Тұңғыш Елбасымыз Н.Ә.Назарбаевтың «Рухани жаңғыру» бағдарламасының жалғасы «Ұлы даланың жеті қыры» мақаласын жүзеге асыру мақсатында, 2019 жыл «Жастар жылы» деп жариялануына байланысты, Ақтөбе қаласының 150 жылдығы, Ғ.Жұбанова атындағы Ақтөбе облыстық филармониясының 75 жылдығына орай «Өнер орталығы» сахнасында Қазақ камералық хорының «Сүйікті қалам Ақтөбе» атты концерті жоғары деңгейде өтті.


Концерттік бағдарлама барысында А.Жұбанов атындағы Ақтөбе музыкалық колледжінің және Ақтөбе гуманитарлық колледжінің түлектері, қазіргі танда Құрманғазы атындағы Қазақ Ұлттық Консерваториясының студенттері Шынболат Қуанбай, Мархабат Бекенова, Әбділсейіт Тәжіғұлов, Дойна Гыска, Болат Нұртуған қатысып кәсіби өнер көрсетіп халықтың шынайы сүйіспеншілігіне бөленді. "Туған елге тағзым еткен әр түлектің қадамына нұр жаусын" деген көпшілік ризашылықпен тарасты.


 Ғ. Жұбанова атындағы Ақтөбе облыстық филармониясының қазақ камералық хоры РФ Москва қаласында өткен "Друзья в Москве" атты халықаралық фестиваль-конкурсының ГРАН ПРИ БАС ЖҮЛДЕСІН жеңіп алды.

 

Үндістан, Түркия, Якутия, Болгария,, Донец Халық Республикасы, Ресей сынды мемлекеттердің озық өнер ұжымдары қатысқан талабы жоғары бұл байқауға Қазақстан Республикасының атынан қатысқан Ғ.Жұбанова атындағы облыстық филармония ұжымы еліміздің мерейін асқақтатып, көк байрағымызды көкке көтерді.


Талай жерде бас жүлдені бермей келе жатқан біздің хор ұжымының әрбір мүшесін және көркемдік жетекшісі Мербол Құспановты әріптестер атынан шын жүректен

ҚҰТТЫҚТАЙМЫЗ!


Бүгінгі бас жүлде Ғ. Жұбанова атындағы Ақтөбе облыстық филармониясының 75 жылдығына керемет сый болды. 


Ақтөбе облысының өнер көшін өрге сүйрей беріңіздер! Бұл біздің Ақтөбенің ғана емес, күллі Қазақ Елінің жеңісі! 


Жеңіс туын желбірете беріңіздер, достар!

 

 


Елбасымыз Н.Ə.Назарбаевтың болашаққа бағдар "Ұлы даланың жеті қыры" мақаласын кеңінен насихаттау мақсатында  жəне сүйікті қаламыз Ақтөбенің 150 жылдығы, өнердің қара шаңырағы Ғ.Жұбанова атындағы облыстық филармониясының 75 жылдығы аясында, 13 ақпан күні Қазақ камералық хоры Әбіш Кекілбаев атындағы №72 жалпы білім беретін орта IT мектеп лицейіне концерттік бағдарламамен барып қайтты. Көркемдік жетекшісі жəне дирижеры Мербол Куспанов. Тыңдармандардың көңілінен шыққан Қазақ камералық хорының орындауында қазақ, орыс жəне шет елдер шығармалары болды. Хордың сүйемелдеуімен жеке дауыста Данияр Кульжанов, Нұржан Қаражанов, Серик Жұбатқан өнер көрсетіп, көрермендердің ыстық ықыласына бөленді.

.


Елбасымыздың болашаққа бағдар: «Рухани жаңғыру» бағдарламасының жалғасы іспетті «Ұлы Даланың жеті қыры» атты мақаласының мазмұны мен мәнін ашып, кең көлемде насихаттау үшін және ару қала Ақтөбеміздің 150 жылдығына орай, Ғ.Жұбанова атындағы облыстық филармонияның 75 жылдығы аясында және Тұңғыш Елбасымыз айтқан ЖАСТАР ЖЫЛЫ идеясын қолдау мақсатында өткізіліп отырған балалар мен жасөспірімдердің 4-ші облыстық хор музыкасы чемпионат байқауы өз мәресіне жетті. Чемпиотанқа 17 ұжым,  құрамында 520 қатысушы өз өнерлерін көрсетті. Әділ қазылардың шешімі бойынша:

  1. Абсолют - Аралас хоры (А.Жұбанов атындағы музыкалық колледж).
  2. Гран-при – Заманауи балалар және жастар Медиа Рro хоры.
  3. Гран-при –Алина Газитуллина атындағы хор ұжымы. (Марат Оспанов атындағы Батыс Қазақстан медицина университеті.)
  4. Гран-при – «Саз» балалар студиясы
  5. I орын иегері - «Сұңқар» балалар хоры («Райгуль-1» Мектепке дейінгі ұйымы).
  6. I орын иегері – «Шұғыла» хор ұжымы (№ 55 жалпы орта білім беретін мектеп.)
  7. I орын иегері – СБ-205 топ студенттерінің аралас хоры (Ақтөбе гуманитарлық колледж).
  8. I орын иегері – Қазанғап атындағы балалар өнер мектебі (Орта топ).
  9. II орын иегері – «Таң нұры» балалар хоры (№34 Мектепке дейінгі ұйым).
  10. II орын иегері – «Балдәурен» хор ұжымы (№33 қазақ орта жалпы білім беру мектебі).
  11. II орын иегері – «Таңшолпан» балалар хоры (№40 жалпы білім беру орта мектебі).
  12. II орын иегері – СБ-215 топ студенттерінің аралас хоры (Ақтөбе гуманитарлық колледж).
  13. III орын иегері – «Таңшолпан» балалар хоры (№34 Мектепке дейінгі ұйым).
  14. III орын иегері - «Балбұлақ» хор ұжымы ( №24 Лингвистикалық мектеп – гимназия).
  15. III орын иегері – Қазанғап атындағы балалар өнер мектебі. (Кіші топ)
  16. IIIорын иегері– «Елек» хор ұжымы (Елек орта мектебі).
  17. III орын иегері – «Ақ көгершін» балалар хоры (Ембі қалалық мәдениет орталығы).
  18. Үздік концертмейстер - Жазыкбаева Зару Галиевна
  19. Үздік дирижер - Жаманкулова Мейрамгуль Тлектесовна
  20. Үздік жетекші - Досмагамбетова Алима Сейткалиевна
  21. Үздік солист – Әділет Пазылбек (Ақтөбе гуманитарлық колледж. СБ-215 топ студенттерінің аралас хоры)

Чемпионат соңы қазақ камералық хор ұжымының (көркемдік жетекшісі жəне дирижеры Мербол Куспанов) «Маусымжан» атты концертімен жалғасты.


 

 

Украинаның Одесса қаласында өткен Халықаралық «Южная Пальмира» хорлар мен вокалдық ұжымдар арасында өткен конкурстан Қазақ камералық хор ұжымы Бас жүлдемен оралды.