Елбасы Н.Ә.Назарбаевтың  «Рухани жаңғыру» бағдарламасы «Ұлы даланың жеті қыры» мақаласын жүзеге асыру мақсатында, Ақтөбе қаласының 150 жылдығы, Ғ.Жұбанова атындағы Ақтөбе облыстық филармониясының 75 жылдығына орай, Қазақ музыкасын кәсіби тұрғыда әлемге танытқан академик Ахмет Қуанұлы Жұбанов және Қазақтың қазіргі замандық музыкасының негізін қалаушы Қазақстанның және КСРО халық артисі, композитор, профессор Ғазиза Ахметқызы Жұбанованың атын мәңгі есте қалдыру мақсатында  өткізілген «Жұбановтар  әуені - 2019» Халықаралық ұлт аспаптары оркестрлер және ансамблдер фестиваль – байқауы 2019 жылдың 26 – 30 сәуір аралығында өткізілді.

Байқауға Ресей, Түркия, Тәжікстан, Қырғызстан, Қазақстан және  еліміздің Нұр-Сұлтан, Алматы, Қарағанды, Жамбыл, Шымкент, Қызылорда, Талдықорған,  Орал,  Ақтөбе қалаларынан үміткерлер қатысты.

26 сәуір

19:00 – де «Өнер орталығы» концерт залында РФ Халық артисі Александр Цыганковтың А.Жұбанов атындағы қазақ ұлт аспаптар оркестрімен бірлескен концерті өтті.

 

27 сәуір

15:00 – 18:00 – де «Жұбановтар әлемі» және «Анаға тағзым» жаңа мәдениет орталықтарымен және және Ақтөбе тарихи – өлкетану мұражайымен танысты.

18:00 – де «Қоғамдық келісім» ғимаратында «Ұлы даланың көне сарындары» дәстүрлі музыка фестивалі  өткізілді.

 

28 сәуір

10:00 – де  А.Жұбанов пен Ғ.Жұбанованың қалалық мәдениет үйінің алдыңдағы ескерткіштеріне гүл шоқтары қойылды. 

11:00 – де фестиваль – байқауға келген мәртебелі меймандар «Өнер орталығы» ғимараты алдына тал егу рәсіміне қатысты.

11:30 – да «Өнер орталығы» сахнасында фестивальдің  салтанатты ашылуы өткізілді.

15:00- 19.00. фестиваль қатысушылары  өнерлерін көрсетті.

16:00 – де  «Жұбановтар әлемі»  мәдениет орталығында  Халықаралық байқаулардың лауреаты, Гнесин атындағы Ресей музыка академиясының оқытушысы Андрей Дубовтың «От Мусоргского до Жубанова» атты концерті өтті.

 

29 сәуір

10:00 – де фестиваль қатысушылары өнерлерін көрсетуін жалғастырды.

11:00 – де «Өнер орталығы» фойесінде баспасөз конференциясы өткізілді.

15:00 – 17: 00 – де «Жұбановтар әлемі», «Анаға тағзым» жаңа мәдениет орталықтарын және Ақтөбе тарихи – өлкетану мұражайына экскурсия жасады

18:30 – да  «Өнер орталығы» сахнасында марапаттау рәсімі және байқаудың жабылу салтанаты өткізіліп,  әділ қазылардың шешімі бойынша:

              

Бас жүлде және 500000 (бес жүз мың) теңге сыйақыны

Қызылорда облыстық филармониясы «Ақмешіт» фольклорлық ансамблі (Қызылорда қ,)

 

Бас жүлде және 500000 (бес жүз мың) теңге сыйақыны

 

А. Жұбанов атындағы қазақ ұлт аспаптар оркестрі (Қазақстан, Ақтөбе қ.,),

 

І орын және 250000 (екі жүз елу мың) теңге сыйақыны

 

«Астана сазы» фольклорлық ансамблі. (Қазақстан, Нұр-Сұлтан қ.,), 

«Сүгір» атындағы қазақ ұлт аспаптар оркестрі (Қазақстан, Шымкент қ.,)

Тәттімбет атындағы академиялық халық аспаптары оркестрі (Қазақстан,Қарағанды қ.,),

ІІ орын және 150000 (жүз елу мың) теңге сыйақыны 

 

К.Әзірбаев атындағы Жамбыл облыстық филармониясының қазақ ұлт-аспаптар оркестрі (Қазақстан, Жамбыл обл),

Қырғыз ансамблі (Қырғызстан Республикасы, Бішкек қаласы),

«Құлансаз» фольклорлы-этнографиялық ансамблі (Қазақстан, Алматы обл),

 

ІІІ орын және 100000 (жүз мың) теңге сыйақыны

 

«Анадолы трио» (Түркия, Стамбул қаласы)

«Чоргох» (Тәжікстан, Душанбе)

А. Жұбанов атындағы музыкалық колледждің халық ұлт аспаптар оркестрі

 

Диплом және 33000 (отыз үш мың) теңге сыйақыны

 

«Меркі әуендері» ән-би ансамблі (Қазақстан, Жамбыл обл.),

«Қазанғап» атындағы халық ұлт аспаптар оркестрі (Қазақстан, Қызылорда обл), Ақжайық аудандық мәдени орталығы «халықтық» ұлт – аспаптар оркестрі (Батыс Қазақстан облысы)

 

Ақтөбе қаласы әкімінің арнайы жүлдесі

 

Ақтөбе қаласының 150 жылдығына арналған қала әкімінің арнайы жүлде сыйлығы және 150000 (жүз елу мың) теңге сыйлық «Адырна» фольклорлы-этнографиялық ансамблі  (Қазақстан, Талдықорған қ.,) иеленді.

 

«Үздік дирижер» және 50000 (елу мың) теңге

 

сыйақы иегері – Жұмат Адай Ержанұлы (Жамбыл облысы),

 

«Үздік солист» және 50000 (елу мың) теңге

 

сыйақы иегері – Baltayeva Gullaram (Түркия, Стамбұл қ.,),

 

«Үздік вокалист» және 50000 (елу мың) теңге

 

сыйақы иегері – Сыдықов Мұрат (Қазақстан, Қызылорда обл)

 

«Қатысқаны үшін»

 

 «Қаратау қазынасы» халықтық фольклорлық ансамблі (Қазақстан,Қызылорда облысы),

«Торыатбасы әуендері» фольклорлық ансамблі (Батыс Қазақстан облысы) қазылар алқасының шешімімен осы номинациялар мен бірге қаржылай сыйақыларларға лайық деп танылып, марапатталынды.

Жүлделерді қазылар алқасының төрағасы: РФ халық әртісі,  РФ Үкіметі сыйлығының лауреаты, Достық орденінің кавалері, Гнесиндер атындағы РАМ профессоры, РФ Композиторлар Одағының Мәскеу композиторлық ұйымының мүшесі Александр Цыганков (РФ – Мәскеу қ.,)

Қазылар алқасының  мүшелері:

Білім министрлігінің арнайы сыйлығының екі мәрте иегері, түрік музыкасы мемлекеттік консерваториясының халық аспаптары кафедрасының доценті Джихан Юртцу (Түркия – Стамбул қ.,)

 

Қазақстанның еңбек сіңірен қайраткері, Құрмет орденінің иегері, «Сазген» фольклорлық –этнографиялық ансамблінің көркемдік жетекшісі Тілегенов Бағдат Беспайұлы (Қазақстан, Алматы қ.,)

ҚР еңбек сіңірген қайраткері, «Дарын» мемлекеттік жастар сыйлығының лауреаты, Президенттік стипендиат, Қазақ Ұлттық өнер университетінің профессоры, А.Жұбанов атындағы қазақ ұлт аспаптар оркестрінің көркемдік жетекшісі Ғылымов Дәурен Жанашұлы (Қазақстан, Ақтөбе қ.,)

Мемлекеттік Дарын сыйлығының иегері, Қазақстанның еңбек сіңірген қайраткері, Құрманғазы атындағы мемлекеттік академиялық халық аспаптар оркестрінің басконцертмейстрі, күйші Мықтыбаев Батыржан Қайырғалиұлы (Қазақстан, Алматы қ.,) 

Сонымен қатар Ақтөбе облысының архивтер және мұжаттама басқармасының басшысы М.Н.Қорғанбаева жүлделерді табыстады.

Мәдениет және спорт министрі Арыстанбек Мұхамедиұлының құттықтауын Құрманғазы атындағы мемлекеттік академиялық халық аспаптар оркестрінің директоры Дауешев Нұрғиса Мұратұлы облыстық филармония директоры Е.М.Кенжалиевке табыстады.

Фестивальдің жабылу салтанатына облыс әкімінің орынбасары М.Ұ.Тоғжанов және Ақтөбе қаласының әкімі І.С.Испанов қатысып, жеңімпаздарды құттықтады. Фестивальге қатысушы өнерпаздардың құрметіне Ақтөбе облысы әкімі О.С.Оразалиннің  атынан ықылас гүлі табысталды.

 

Марапаттау рәсімінің соңы Құрманғазы атындағы Қазақтың мемлекеттік академиялық халық аспаптар оркестрінің 85 жылдығына арналған «Ұлы даланың әуендері» атты концертімен жалғасты.

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

.